3 دراهم فقط طولت شعري و صار خيوطا من حريير…شكرا صاحبة الوصفة

انا استعملت الوصفة ديال تطويل الشعر اللي قالت ليا عليها الاخت لمياء وهي درهم زنجلان ودرهم الخزامة ودرهم الحبة السوداء انا درت عيني ميزاني
المهم وتخلطيهم مع زيت العود يعني زيت الزيتون وخليتها ترقد مدة اسبوع ومرة مرة تنحركها ( هذي من عندي )
لمياء قالت تستعمليها مباشرة
وعاد انا رقرقت بيها شعري وخليتو يومين والريحة روعة
والنتيجة جد رائعة وباقي نستعملها الاسبوع الماجي لان الراجل كاس في الدار حتى ليوم الاتنين يعني ما بغيتوش يشوفني بالزيوفة بحا امي العكوز هه نهار كامل

المهم قبل هذا انا كنت دايرة ليميش ومنين درت الخلطة ليميش طارو ما بقاش حسهم ( الحمد لله انني كنت قنعت منهم وكنت تنقلب نحيدهم ) ومع هذا انا مرديتش ليهم البال غير الحنزاز ديال راجلي هو اللي سولني قال لي مشيتي عند الكوافورة قلتو لا علاش قالي شعرك مغير ما بقاش كيف ما كان وانا نمشي تنجري لمراية عاد رديت البال بان لون شعري رجع لطبيعتو ايوا زيدو على ترطاب وتطويل وتقوية الشهر لهذ الوصفة كذلك تطير ليميش وتترجع الشعر للونو الاصلي ما حدنا زايدين في الدنيا وحنا تنلقاو الاكتشافات وهذي وصفة تصلح للاخت لي شعرها رقيق ايضا