كلنا كنتمناو يكون عندنا شعر رطب و قوي ياك ايوا انا غادي نوريك طريقتي باش تبارك الله ولا عندي هاد السالف ههه وصفة طبيعية خلينا من بديل الزيت و الماسكات المصنعة لي معندها فايدة 

خليط الزيوت زيت اللوز-زيت الزعتر-زيت التوم-زيت الحبة السوداء-زيت الخزامة -زيت الخروع انا مصورتوش حيت مبقاش عندي و زيت الزيتون ديري شوية من كل زيت فشي زلافة صغيرة و شقي بها راسك و غطي شعرك بشي بلاستيكة و ديري الزيف و خلي شعرك يتشرب الزيت مزيان مدة ساعتين و سيري للحمام او دوشي ف الدار على حسب وقتك و مللي تنشفي شعرك اراكي لتحيار يا سلاااااااام تبعيهم غير مدة شهر و غادي تشوفي الفرق و راه مكيبقاش الشعر يطيح انا راه مكيخطاونيش ابداااااااا و هاد السيروم ديال الجزر كندهن بيه شعري يا اما ف صباح او قبل مننعس كندلك بيه جلدة ديال راسي مزيان راه مفيهش الريحة و كيخلي الشعر رطب كي الحرير

و اخيرا زيت الورد كنديرو 2 مرات ف السيمانة كندير مساج لوجهي كيخلي الوجه ناعم و كيعالج انسجة الجلد و هو مزيان بزاف للبشرة الجافة و الحساسة

نتمنى نكون افدتكم و على فكرة انا راه كندير حتى الزبدة لشعري كتخلي الشعر رطب من الحرير و مغديش تيقو النتيجة و الفعالية ديالها